Għeżież Huti Franġiskani,
Ix-xewqa t’ Alla hi mnaqqxa f’qalb il-bniedem, għax il-bniedem inħalaq minn Alla u għal Alla. Alla ma jieqaf qatt jiġbed il-bniedem lejh, u f’Alla biss il-bniedem isib il-verita u l-hena li qatt ma jieqaf ifittex. Il-verita, l-onesta u l-imħabba l-bniedem jipretendihom u jfittixhom f’dawk ta’ madwaru, bħal ġenituri, fl-aħwa, l-għalliema, l-ħbieb, is-sacerdot, u l-politikanti, imma meta jiġi tradut minnhom il-bniedem jimtela bir-rabja, bil-mibeghda u l-vendetta u flok jirrikorri lejn Alla, jwarrbu u jinsih.
Jinsa li l-għola aspett tad-dinja tal-bniedem hi s-sejħa tal-bniedem għall-ghaqda ma’ Alla.
Jinsa l-istedina ta’ Alla lill-bniedem biex jitkellem miegħu, stedina, li bdiet mal-ħolqien tal-bniedem. Il-bniedem jeżisti, għax Alla ħalqu b’imħabba u għax iħobbu ma jieqaf qatt żommu ħaj. Il-bniedem ma jgħix ħajja sħiħa skond il-verita’ jekk minn rajh, b’mod ħieles, ma jagħrafx din l-imħabba u jintelaq kollu kemm hu f’idejn min ħalqu. Il-Mulej lil Santa Fawstina qalilha; . “La tħalli xejn ibegħdek minni lanqas fil-waqgħat tieghek. La tibżax, jiena qiegħed dejjem miegħek”. Kif il-bniedem tradut jista’ jifhem li għandu jafda lil Alla, dan Alla li hu qatt ma ra u qatt ma kellem; la darba dawk ta’ madwaru li wegħduh il-ħafna u fihom kellu fiducja daħqu bih?
Hawn il-bniedem jibda jimxi fuq dak li tigħdlu d-dagħdigħa ta’ moħħu, li għalih hija l-kuxjenza. Iżda jekk il-kuxjenza ma tkunx matura u mrawma f’sentimenti posittivi, tagħtik dak biss li int trid tisma’ u tispicca tbati il-konsegwenzi. Hekk ġralu il-poplu ta’ Israel, meta tilef l-fidi f’Alla li għad jasal fl-art imweghda, warrab lil Alla biex iqimu l-għoġol tad-deheb.
Għax hekk qaltlu il-kuxjenża.
Meta persuna tiddecidi li tiftah negozju titlob il-parir ta’ espert tal-fiducja tagħha biex tmexxiha fit-triq it-tajba. Meta t-tifel kien saqsini; “jekk inkun ser nagħmel xi ħaġa kif inkun naf li hija ħaġa tajba jew ħażina?” “Semplici”, kont għedtlu, “saqsi lilek innifek il-mistoqsija; jekk qed jarawni il-ġenituri, nagħmilha?” Mela kemm tkun aktar f’lokha kieku nsaqsu lilna nfusna l-mistoqsija; “Jekk qed jarani l-Mulej Alla, nagħmilha?” “Mulej tiegħi jiena għandi bżonnok”. Hekk kien jgħidlu San Gorg Preca lill-Mulej.
0 Comments