1. Is-Sibt 9 ta’ Ottubru :

6.30pm Quddiesa u wara nikkommemoraw it-Transitu ta’ Missierna San Franġisk.

2. Il-Ħadd 10 ta’ Ottubru : Festa ta’ Missierna San Franġisk.

9.30am Isir it-Tberik tal-Pets fil-Knisja.

3. It-Tnejn 11 ta’ Ottubru : Nagħtu bidu għas-Sena Kateketika fil-Parroċċa tagħna. Matul il-ġimgħa jintbagħtu l-PowerPoint bil-lezzjonijiet għat-Tfal. Hu d-DMIR tal-Ġenituri/Kustodji li jiżguraw li l-Lezzjonijiet isiru.

Importanti li l-Ġenituri/Kustodji jwieġbu għall-emejl għax din tiġi meqjusa għall-finijiet ta’ Rassenja.

It-Tfal irid ikolhom 75% kull sena sabiex ikunu jistgħu jersqu għas-Sagramenti.

Il-Ġenituri li iridu jiffirmaw ir-Reġistrazzjoni tat-Tfal jiġu fil-ħinijiet tal-uffiċċju.

4. It-Tnejn 11 ta’ Ottubru : Jibda jsir il-Booking għall-Quddies tal-Mejtin għas-Sena 2022. Il-bookings isiru fis-Sagristija bejn il-Quddies.

5. It-Tlieta 12 ta’ Ottubru : 7.00pm Laqgħa mill-OFS. Il-Kelliem huwa Patri Sandro Overend ofm. Kulħadd hu mistieden.

6. Is-Sibt 16 ta’ Ottubru : 10.00am – 12.00pm Ser isir Seminar importanti għall-Koperaturi Pastorali tal-Unità fis-Sala Parrokkjali tal-Parroċċa ta’ San Girgor. Il-kelliem ewlieni ser ikun l-E.T. Mons Isqof Joe Galea Curmi.

7. Il-Kandidati li l-Ħadd 14 ta’ Novembru ser jirċievu l-Griżma tal-Isqof : Huma mgħarrfa li kull nhar ta’ Erbgħa se ikollhom il-Laqgħa fiċ-Ċentru fis-6.30pm. Iċ-Ċentru jiftaħ mis-6.00pm sas-7.30pm.

8. Il-Fondazzjoni Manutenzjoni Santwarju/Kunvent :

Tagħmel appell urġenti għal donazzjonijiet, biex tixtara mill-aktar fis possibbli, u tiġi installata KALAMITA aktar b’saħħitha, għas-Santwarju. Grazzi tal-ġeneriżita’.

9. Il-FLIMKIEN ta’ Ottubru :

Tinsab fejn il-bibien tal-Knisja biex kull familja tieħu wieħed magħha d-dar.

10. L-Envelopes biex tiktbu lil għeżież Mejtin f’Novembru : Se jkunu fejn il-bibien tal-Knisja mill-ġimgħa d-dieħla. Il-Quddies ta’ filgħaxija jkun Gregorjan għalihom.

11. Id-Djarju 2022 għall-Quddies tal-Għeżież Mejtin : Ikun ‘available’ f’nofs Ottubru.

Il-Mulej jagħtikom is-Sliem

Fr Paul Attard ofm

Kappillan/Gwardjan

Mob: 2131 3505 / 7953 7719.