1. Il-Ħadd 31 ta’ Lulju : 9.30am Waqt il-quddiesa, Luke Borg Filletti li jgħix barra minn Malta, ser jirċievi l-Ewwel Tqarbina.

2. It-Tlieta 2 ta’ Awwissu : Aħna l-Franġiskani niċċelebraw il-Festa tal-Indulġenza tal-Porziuncola (il-Maħfra ta’ Assisi).

Meta San Franġisk kien f’riġlejn l-Artal tal-Kappella tal-Porziuncola u f’dawl kbir dehrulu Ġesu’ u l-Madonna u qtajja ta’ Anġli.

U Franġisku talab lil Mulej biex jaqla’ l-Indulġenza għall-Maħfra tad-dnubiet għax ried jibgħat lil kulħadd il-Ġenna!

• Biex tintrebaħ l-Indulġenza hemm 5 kundizzjonijiet :

1. Iżżur Knisja Parrokkjali jew Knisja Franġiskana.

2. Titlob il-Missierna u l-Kredu.

3. Tagħmel Qrara tajba.

4. Tirċievi l-Ewkaristija.

5. Titlob skont il-Fehma tal-Papa.

3. L-Għaqda Volontarja Parrokkjali “Il-Ħbieb tas-Santwarju” : Qed tappella għal membri ġodda. Dawk li jħobbu s-Santwarju u jixtiequ jidħlu membri, huma mitluba biex ikellmu lil Kappillan jew lit-Teżorier tal-Għaqda fuq in-numru 9976 2775.

4. Il-Ġimgħa 5 ta’ Awwissu : L-ewwel ġimgħa tax-xahar.

Aħna l-Patrijiet filgħodu nżuru lil morda u lill-anzjani tal-parroċċa għal-qrar u t-tqarbin.

Il-Mulej Jagħtikom is-Sliem

Fr Paul Attard ofm

Kappillan/Gwardjan

TEL: 2131 3505 / 7953 7719.