1. It-Tlieta 2 ta’ Frar : Festa tal-Gandlora. 40 jum wara l-Milied niċċelebraw il-Preżentazzjoni ta’ Ġesu’ fit-Tempju u l-Purifikazzjoni tal-Verġni Marija.

Fis-6.00pm Quddiesa bil-Priedka tal-okkażjoni.

2. Il-Ħamis 4 ta’ Frar : 5.30pm Adorazzjoni Ewkaristika.

Nappella speċjalment lil Membri Operaturi Pastorali ninġabru flimkien biex it-talb għall-Parroċċa ikollu iktar forza.

3. Il-Ġimgħa 5 ta’ Frar : Huwa l-ewwel ġimgħa tax-xahar.

Il-Morda u l-Anzjani fi djarhom nilħquhom meta jagħmlu appuntament magħna.

4. Il-Fondazzjoni tavża : Li sar Rapport Professjonali dwar il-ħsara lill-Orgni bil-Maltempata ta’ Novembru, li tammonta għal €1,200.

Il-Fondazzjoni iddeċidiet li tagħmel tajjeb għal din is-somma. B’hekk l-Orgni tas-Santwarju tagħna jerġa’ jiġi għall-istat li kien wara l-manutenzjoni li saret fuqu.

Il-Fondazzjoni tapprezza kull donazzjoni, żgħira kemm hi żgħira għal dan il-għan.

5. Proċess tad-Dħul fl-Iskejjel tal-Knisja f’Malta 2021-2022 : Jintlaqgħu l-applikazzjonijiet online. L-informazzjoni tinsab fin-Notice Board, fuq facebook u fil-Website tal-Knisja : www.knisja.mt

6. L-Erbgħa 17 ta’ Frar jibda r-Randan Imqaddes :

Infakkarkom fl-Impenn biex fir-Randan “Nitolbu bit-Telefown” ma’ min hu fil-bżonn.

Nissuġerixxu wkoll il-Ktieb “Ġarar Tal-Fuħħar” ta’ Susan Farrugia li fih stejjer qosra ta’ fejqan. Hu ‘available’ ukoll bl-Ingliż “Jars of Clay”.

Tistgħu takkwistawh mill-Parroċċa tagħna. Susan ilha iktar minn 30 sena fil-Ministeru tal-Fejqan u tal-Ħelsien. Tagħti servizz ukoll mal-Eżorċisti f’Malta, u tagħti Seminars fl-Islovakkja u fl-Ungerija ma’ Patri Elija Vella ofm conv.

Nissuġġerixxi li taqraw dan il-Ktieb fir-Randan.

Il-Mulej Jagħtikom is-Sliem

Fr Paul Attard ofm

Kappillan / Gwardjan

TEL: 2131 3505 / 7953 7719.