Ftit ilu kont qed naħseb dwar jekk għandix inneħħi uħud mill-mezzi tal-midja soċjali tiegħi bħal, per eżempju, Facebook. Xi kultant, minn meta tkun ftaħtu sa ma terġa’ tagħlqu, ikunu għaddew sigħat sħaħ! Madankollu, immedjatament ftakart kemm inħobb naqra ‘posts’ spiritwali mill-isbaħ minn membri oħra tal-Ordni Franġiskan Sekular, anki dawk minn pajjiżi oħra. Kemm hu kbir Alla li jżommna konnessi ma’ membri oħra minn madwar id-dinja kollha! Kemm hi ħaġa sabiha li forsi anki xi ‘posts’ tagħna stess jistgħu jkunu ta’ ispirazzjoni u inkoraġġiment għal ħaddieħor, speċjalment f’dawn iż-żminijiet koroh! Din hija n-naħa pożittiva tal-midja soċjali.

Fuq kollox l-Ordni Franġiskan Sekular huwa verament familja, unjoni ta’ fraternità mxerrda madwar id-dinja u miftuħa għal kulħadd. Hija din il-fraternità, immexxija mill-Ispirtu, li tistinka biex tikseb spiritwalità ogħla, li tipprova tgħix l-evanġelju u timxi fil-passi ta’ San Franġisk.

tagħna. L-Ispirtu s-Santu huwa s-saħħa u l-għerf ta’ Alla. Għandna bżonnu f’ħajjitna biex insiru konduċent ta’ paċi u mħabba, u permezz tal-qawwa Tiegħu għandna l-mezzi biex niksbu dan. Mingħajru, aħna dgħajfa u bla saħħa.

Il-kelma Griega għal “spirtu” hija “pneuma”, li tfisser “nifs”. Rari nkunu konxji tan-nifs tagħna. L-Ispirtu ta’ Alla huwa bħan-nifs li nieħdu – huwa intimu, fin, essenzjali għall-ħajja.

spiritwali”. Huwa l-Ispirtu s-Santu ta’ Alla li jitlob fina, li joffrilna d-doni tal-imħabba, il-maħfra, it-tjubija, il-ġentilezza, il-paċi u l-ferħ. Hu li joffrilna l-ħajja li l-mewt ma tistax teqred. Huwa l-Ispirtu s-Santu li jippermettilna nkunu ‘Franġiskani tajbin u fidili’.