Nagħtu merħba lil Fra Lorrie Zerafa, li minn din il-ġimgħa inqagħad mal-Fraternità Franġiskana tagħna.

It-Tlieta: Fis-6.00pm jkomplu ż-żjarat u tberik tal-familji fi Triq Ġanni Benċini.

L-Erbgħa: Il-Kummissjoni Anzjani ser torganizza ikla għall-anzjani. Tluq fid-9.30am mis-Savoy Bus Stop.

Il-Ġimgħa: Fis-6.30pm ser issir Adorazzjoni fil-kappella ta’ S. Baskal organizzata mill-Ordni Franġiskan Sekular.

Il-Ħadd li ġej ser niċċelebraw s-Solennita tan-Nawfraġju ta’ Missierna San Pawl.

Nhar il-21 ta’ Frar, l-Unita 10 ser torganizza jum ta’ riflessjoni għall-Gradwati fil-Parroċċa tal-Balluta. Aktar tagħrif qed jidher fin-noticeboard.

Min beħsiebu jiġi, għandu jinkiteb fis-sagristija.

Żommu d-data tal-Ħadd, 13 ta’ Marzu libera. Il-Parroċċa tagħna se torganizza għall-ewwel darba Maratona ta’ Talb, Sawm u Penitenza, b’riżq id-Dar tal-Providenza. Id-dettalji jingħataw il-ġimgħa li ġejja. Itolbu għas-suċċess ta’ din l-inizjattiva ġdida għall-Parroċċa tagħna.

Attivitajiet tal-festa

Illum qed isir il-bazaar fiċ-Ċentru Parrokkjali bejn it-8.00am u t-8.00pm. Hemm ħafna affarijiet għall-bejgħ.

Il-Ġimgħa fis-7.30 pm ser issir Pizza Bingo Night fis-sala tal-Każin fuq. Prezz ta’ €10. Il-bingo tal-Erbgħa ser issir bħas-soltu.

Is-Sibt u l-Ħadd ser isir il-Cake Sale fuq iz-zuntier fil-ħinijiet tal-quddies.

Min jixtieq joffri xi cake biex jinbiegħ, jista’ jġibu dakinhar stess fuq iz-zuntier.

Mary Mifsud twieldet għall-ħajja ta’ dejjem. R.I.P.