1. Issa li erġajna qlibna għall-ħin tax-xitwa, l-Quddiesa ta’ filgħaxija mit-Tnejn sal-Ġimgħa tkun fis-6.00pm. għalhekk ir-Rużarju jsir fil-5.30pm.
Is-Sibt u l-Ħadd il-Quddiesa ta’ filgħaxija tibqa fis-6.30pm.
Is-Sorijiet Franġiskani jfakkru li jkollhom Quddiesa kuljum fis-6.00am u nhar ta’ Sibt u l-
Ħadd fis-7.00am.

2. Nhar it-Tlieta wara l-Quddiesa, issir il-laqgħa tal-Franġiskani Sekulari fis-6.30pm. Il-
kelmtejn se jsiru minn Tony Mahoney bit-tema “Kemm il-darba kont Barabba?”

3. Nhar l-Erbgħa 1 ta’ Novembru hija s-Solennita` tal-Qaddisin Kollha. Għalkemm m’hemmx l-obbligu tal-Quddies, inħeġġukom tqaddsu l-ġurnata bis-sehem tagħkom fil-Quddies.

Nhar l-Erbgħa 1 ta’ Novembru l-Uffiċċju Parrokkjali filgħodu ma jiftaħx.

4. Nhar il-Ħamis 2 ta’ Novembru, it-Tifkira tal-Mejtin Kollha. Qabel il-Quddiesa fil-5.30pm ikun hemm l-Adorazzjoni. Fis-6.00pm niċċelebraw Quddiesa Solenni għall-Mejtin Kollha, fiha nitolbu t-Talba tal-Għasar. Wara nkomplu bil-Lectio Divina.
Infakkru li ma jsirx il-Katekiżmu tar-4 u 5 Sena.

5. Nhar il-Ġimgħa l-Ewwel Ġimgħa tax-Xahar, isir it-tqarbin tal-morda u anzjani fid-djar. Qed isir arranġament biex nqarbnuhom darba oħra fix-xahar.

6. Nhar il-Ħadd, 5 ta’ Novembru niċċelebraw fil-Quddiesa tad-9.30am il-festa ta’ San Martin. Għalhekk min ġej il-Quddiesa jibqa` fuq iż-żuntier għax se nibdewha, bil-wasla ta’ San Martin li ġej biex iqassam il-boroż lit-tfal. Dawk li jixtiequ jordnaw borża għat-tfal hemm
ċans sa nhar il-Ġimgħa mingħand Brian Vigar jew mill-Book Shop.

7. Nhar il-Ħadd l-Ewwel Ħadd tax-Xahar issir il-Ġabra speċjali b’risq il-bżonnijiet tal-Knisja.
Bħalissa qed jinbidlu l-20 Reflector li jdawwlu s-saqaf tal-Knisja, u inbidlu 42 Arranġament tal-fjuri tal-altari kollha. Inħeġġu lil kull min jista` joffri €50 għal kull reflector. Jew €45 għal kull arranġament ta’ fjuri. B’hekk tkunu qed tgħinuna nħallsu l-ispiża tagħhom.
Nirringrazzjawkom tal-koperazzjoni u l-ġenerożita` tagħkom.

8. Fil-Quddies ta’ filgħaxija mit-Tnejn sal-Ġimgħa matul Novembru, niftakru fil-mejtin li ktibtu.
Min jixtieq għadu jista` jieħu envelope minn taħt il-pulptu.

9. Il-ġabra tal-Missjoni kienet €700.66.

P. Martin Coleiro O.F.M.

Kappillan, Uffiċċju Parrokkjali Madonna tas-Sacro Cuor, Triq Dun Pawl Vella, Tas-Sliema SLM 1184. Malta

Tel: 2131 3505 MOB: 9924 0433