1. Illum il-Festa tal-Ħniena Divina, fil-5.30pm se jiġi espost Ġesu` Sagramentat għall-
Adorazzjoni sal-Quddiesa tas-6.30pm.
2. It-Tnejn 8 ta` April, fid-9.30am issir il-laqgħa tal-Fratellanza tas-Sagrament ħdejn l-Uffiċċju
Parrokkjali.
Fil-5.00pm jerġgħu jiftħu l-klassijiet tal-Katekiżmu.
Nfakkru sabiex min għad għandu l-Karus ta` Mħabba b’risq Dar Bjorn, iġibu miegħu u jgħaddieh lill-Katekista.
Niġbed l-attenzjoni tal-ġenituri biex iħossu d-dmir li jibgħatu l-uliedhom għall-katekiżmu kull nhar ta` Tnejn, l-Erbgħa u l-Ħamis skond meta jkun imisshom.

3. It-Tnejn hija s-Solennita` trasferita tat-Tħabbira tal-Mulej, tissejjaħ il-Lunzjata.
Fis-6.30pm se ssir Quddiesa fis-Santwarju tal-Madonna tal-Mellieħa għall-ommijiet li qed iġorru t-tarbija fil-ġuf tagħhom u se tissejaħ il-Barka t’Alla fuqhom.

4. It-Tlieta 9 ta` April, wara l-Quddiesa tas-6.30pm issir il-Laqgħa tal-Franġiskani Sekulari ħdejn l-Uffiċċju Parrokkjali. Titkellem Pauline Darmanin “Is-Sammaritani: aħna u huma”. Kulħadd mistieden.

5. Il-Ħamis 11 ta` April, fis-6.00pm l-Adorazzjoni u wara l-Quddiesa tas-6.30pm il-Lectio Divina.

6. Il-Ġimgħa 12 ta` April fis-7.00pm se jibdew Laqgħat Edukattivi fiċ-Ċentru Sant’ Antnin sat-8.15pm, għall-ġenituri u nanniet. L-Ewwel laqgħa se ssir minn Marc Frendo dwar il-lingwi fis-Soċjeta` tagħna u wliedna. Kull min jinteressah jista` jattendi.

7. Fil-weekend li ġej fil-Parroċċi kollha se ssir il-ġabra ta` kull sena b’risq id-Djar ta` Karita` li tmexxi d-Djoċesi. Għalhekk il-ġabra tas-Sibt u l-Ħadd li ġejjin tkun speċjali għal dan l-iskop.

8. F’Ħadd il-Għid tela` n-numru rebbieħ għall-Weekend Break għal tnejn.
Il-biljett rebbieħ kien Isfar 042 bis-serje 5963.
Din il-Lotterija saret b’risq ix-xogħol ta` manutenzjoni tal-Knisja u ħalliet €595 profitt.
Grazzi lil kull min ipparteċipa. Din il-ġimgħa daħlet donazzjoni ta` €200 b’risq il-Proġett.

9. Issa li għalqet l-applikazzjoni għal min xtaq li niġu fi djarkom inberkukom u nitkellmu magħkom, qed jiġu mqassmin triq, triq u tisimgħu mingħandna meta nkunu ser niġu.

10. Matul din il-ġimgħa għaddiet għall-Ħajja ta` Dejjem Rebecca El-Jihan.
Agħtiha O Mulej il-mistrieħ ta`dejjem ……….

P. Martin Coleiro O.F.M.
Kappillan/Gwardjan

Kappillan, Uffiċċju Parrokkjali Madonna tas-Sacro Cuor, Triq Dun Pawl Vella, Tas-Sliema SLM 1184. Malta

Tel: 2131 3505 MOB: 9924 0433