Illum issir il-Ġabra għall-Art Imqaddsa.
1. Il-Ħadd 2 ta’ April : Ħadd il-Palm.
9.00am Tberik taż-Żebbuġ ħdejn l-Uffiċċju Parrokkjali u jsir Korteo sal-Knisja.
9.30am Quddiesa bis-sehem tat-Tfal.
2. It-Tnejn 3 ta’ April : M’hemmx Katekiżmu. 6.30pm L-Aħħar Ċena ċċelebrata mat-Tfal tal-Katekiżmu flimkien mal-Kor tat-Tfal. Importanti li t-Tfal iġibu magħhom il-Karus ta’ Mħabba biex ngħadduhom il-Missio.
3. It-Tlieta 4 ta’ April : 6.00pm Quddiesa. 6.45pm Purċissjoni bir-Redentur. Il-Purċissjoni se tkun akkumpanjata b’daqq ta’ marċi funebri mill-Banda Ċittadina Sliema. Tgħaddi mit-toroq : San Trofimu, Rudolfu, Santa Marija u San Trofimu.
4. L-Erbgħa 5 ta’ April : 6.00pm Penitenzjal / Qrar / Via Crucis. 6.30pm Quddiesa.
5. Il-Ħamis 6 ta’ April : 8.00am Talb ta’ Sbieħ il-Jum. Jum it-Twaqqif tal-Ewkaristija u l-Festa tas-Saċerdoti. Fil-bankijiet hemm Envelopes għal min jixtieq jagħtina xi donazzjoni b’rigal.
6.30pm Quddiesa Konċelebrata bil-ħasil ritwali tar-riġlejn. 7.30pm Seba Viżti organizzati mis-Soċjeta’ Filarmonika Sliema mmexxija mill-President tas-Soċjeta’, b’talb animat mill-Kappillan. Inżuru diversi Artali tar-Repożizzjoni fi knejjes u kappella madwar tas-Sliema.
9.00pm Adorazzjoni komunitarja.
Issir Mixgħela tax-Xemgħat fi Triq San Trofimu u quddiem is-Santwarju Marjan.
6. Il-Ġimgħa 7 ta’ April : Il-Ġimgħa l-Kbira, Sawm u Astinenza. 8.00am Talb ta’ Sbieħ il-Jum.
2.00pm Via Crucis mill-Abbatini u ż-Żgħażagħ.
3.00pm Liturġija tal-Kelma, Adorazzjoni tas-Salib, u tqassim tal-Ewkaristija.
7. Is-Sibt 8 ta’ April : Sibt il-Għid. 5.00pm sas-6.00pm Qrar fil-Knisja.
8.00pm Issir il-Mixgħela tan-Nar biex nibdew is-sahra tal-lejl qaddis tal-Għid.
Fiħa ser ikollna Magħmudija.
8. Il-Ħadd 9 ta’ April : L-Għid il-Kbir. 9.30am Jitbierku l-Figolli u l-Bajd tal-Għid. Ikollna 4 Magħmudijiet.
9. Fil-Każin tas-Soċjeta’ Filarmonika Sliema : Hemm għaddejja l-Wirja tal-Ġimgħa Mqaddsa “IN COENA DOMINI”. Il-Wirja tibqa’ għaddejja matul din il-ġimgħa sal-Ġimgħa l-Kbira filgħodu.
Il-Mulej Jagħtikom is-Sliem Kappillan / Gwardjan
Fr Paul Attard ofm
TEL: 2131 3505 – 7953 7719