1. Il-Ġabra Speċjali ta’ nhar il-Ħadd li għadda :

Kienet ta’ €464.87. Nirringrazzjawkom.

2. L-Erbgħa 15 ta’ Settembru : Il-Katekisti Antoinette Laferla u Peter Gatt ser jiltaqgħu mal-Kandidati li f’Novembru ser jirċievu s-Sagrament tal-Griżma tal-Isqof.

Il-Laqgħa ser issir fiċ-Ċentru Parrokkjali bejn is-6.00pm u s-7.00pm. Importanti li l-Kandidati jattendu.

3. Il-Ħamis 16 ta’ Settembru :

Hu Jum ta’ Talb għal poplu tal-Afghanistan. Id-Djoċesi ta’ Malta timxi fuq il-passi tal-Papa Franġisku li qed jitlob dan minna.

4. Ir-Reġistrazzjoni tat-Tfal għall-Klassijiet tal-Katekiżmu :

Fl-Uffiċċju Parrokkjali.

– Nhar it-Tnejn 13 ta’ Settembru : Bejn il-5.00pm u s-7.00pm. – Nhar l-Erbgħa 15 ta’ Settembru : Bejn l-10.00am u l-11.30am. – Nhar il-Ħadd 26 ta’ Settembru : Wara l-Quddiesa tad-9.30am. Importanti li jkollna l-FIREM taż-żewġ ġenituri. Tfal ġodda li ma’ tgħammdux fil-Parroċċa tagħna iġibu Ċertifikat tal-Magħmudija.

5. L-Erbgħa 22 ta’ Settembru : Nibdew iċ-Ċelebrazzjonijiet tat-3 Anniversarju mill-Inkurunazzjoni li jintemmu l-Erbgħa 29 ta’ Settembru. L-Erbgħa 22 ta’ Settembru : 6.30pm Quddiesa li fiha ssir il-Vestizzjoni ta’ Fratelli u Konsorelli fil-Fratellanza tal-Madonna tas-Sacro Cuor.

Min jixtieq jissieħeb ikellem lis-Sur Tony Vidal jew lis-Sur Joe Debono.

Il-Mulej jagħtikom is-Sliem

Fr Paul Attard ofm

Kappillan/Gwardjan

MOB: 2131 3505 / 7953 7719.